هحكيلكم عن حاكم غازى
حاكم قاسى حاكم هازى
تقريبا تفكيروا نازى
و اسمه مغازى
اتباعوا حواليه
يغنوا يقولوا
اسم الله عليه
مغازى بيه
اسم الله عليه ... ربنا يحميه
بيصرح اكتر مبيحكم
و بيسرق كده صكتم بكتم
و محدش عارف فيه ايه
و اتباعوا علطول حواليه
يغنوا يقولوا ... اسم الله عليه
مغازى بيه
اسم الله عليه
اسم الله عليه
اولاده تربية امريكى
تعليمهم دايما مضمون
و جواهر اصلها افريقى
كله عشان حرمه المصون
و الشعب الغلبان هيموت
مضلوم من ايام حتحوت
اخره يعنى هيعمل ايه
هيدعى عليه
و اتباعوا حواليه
يغنوا يقولوا ... اسم الله عليه
مغازى بيه
اسم الله عليه
اسم الله عليه
المفروض انه ديموقراطى
بس ديموقراطى على خفيف
يعرف يسرق يعرف ينهب
سايب شعبه يدوق الذل
و اما يثور الشعب يقول ... انا الحاكم حبيب الكل
طب و الشعب فأيده ايه
هيدعى عليه
و اتباعوا حواليه
يغنوا يقولوا ... اسم الله عليه
مغازى بيه
اسم الله عليه
راح لابنه و قالوا يا حبيبى راح تمسك من بعدى الحكم
حسبتها سهله و بسيطة و هنضحك بسهوله عالكل
هنغير فقانون و اتنين
و نحكم الانتخابات
و سعيتها نغير براحيتنا
و الحكم فجيبك هيبات
و البلد كلها فأديك
و اتباعى دايما حواليك
يغنوا يقولوا ... اسم الله عليك ... ربنا يحميك
الشعب مشاكله بتزيد
و مغازى ولا سائل فيه
كل الشعب مجيبه يفلس
بتزيد ضرائب عليه
واحد قال فين الحرية
امن الدولة قبض عليه
اصله مهدد امن الدولة
قصدك امن مغازى البيه
اسم الله عليه
اسم الله عليه
استنينا نشوف تغيير
و ألى استنوا استنوا كتير
مصايبنا بتزيد بالجملة
و مغازى محصلش مدير
يشجب و يندد و يصرح
و مباحثات و كلام كبير
يكتبوا عنه فكل مكان ... اسم الله عليه
رائد السلام ... اسم الله عليه
اسم الله عليه
امشى بقى و ريحنا يا بيه
مش عارفين ساكتينلك ليه
راح اصرخ و انادى و اقول
مش عايزين الظلم يطول
يا مغازى ايامك خلصت
يا مغازى ايامك خلصت
كل الشعب بيدعى عليك
يصرخ و يقول
مغازى سفيه ربنا يأذيه
مغازى سفيه ربنا يهديه
ONE OF UR BEST :D LIKE LIKE LIKE :D :D
ReplyDeletekol ma2raha astamte3 bgad wad7ak :D JAK Nader :D